و للحديث بقية

مين فينا جاي مرساها مين رايح؟
لحظة ميلاد الفرح كان في حبيب رايح
يابو الروايح يانرجس ..ماتجس وتر القدر

تلقى حكايات البشر فيها عديد العبر
تلقى حكايات البسر فيها عديد العبر
فيها عبير العبر...صااااافي

زي النهار الطفل لما ينفلت
من بين ايادي الضلمة ويشقشق
أنا شفت روح الحق لما اتسللت
صرخت وفي وش الخرس انطق

آدي البشر أوراق فيها عديد العبر..صاافي

بان في عيون العصر لما زغللت
الليل يجيها يحني ضهر الزين
أنا شفت روح الخطوة لما اتبرجلت
عكازها ماشي بالخطا على فين

آدي البشر أوراق فيها عبير العبر ..صاافي

-----------------------------------------------------



الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

دايره تدور بالبشر وياّ الزمان بتفوت
دمعه على اللى مضى و دمعة فرح بالجاى
يا حىّ طول مانت حىّ مسيره ييجى الدور
دى حكايه متكرّره من يوم ولادة الضىّ

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

ياللىّ انت عايش حياه بص لها تلقاها
سبحة هنا و تنفرط بالعمر مانشوفهاش
ولا شئ يعطّر حياتنا يمد فى مداها
غير سيره عاشت هنا اكتر صاحبها ما عاش