عارف لمي تصحي من النوم و يبقي وراك تلال من المذكرة او الشغل
عارف لمي تبقي داخل علي ناس يقولولك عملت ايه يا عم في الامتحان فتقول الحمد لله--و ده لرضاك بالمقدر و المكتوب لا اكثر ولا اقل---و تمشي من هنا فيقولوا يا عم ده مقفل
عارف اليوم ده اللي تبقي فاضي فيه و تبقي نفسك تتبسط فيه بس كل اللي حوليك مش فضيين...كل واحد في دنيته
عارف لما تبقي حاسس انك لوحدك و محدش بيسقل عليك
عارف لما يجي عيد ميلادك و من كتر منتي مقتنع ان اصحابك هيفجئوك تبيقي بتخلص كل اللي عليك بدري بدري عشان تفضلهم
بس في الاخر تتطلع بتوهم نفسك
عارف لما تكون حاسس ان الحمل تقل اوي علي اهلك و تبقي نفسك تعمل حاجة
عارف لما تبقي في موقف عنيك تبقي فيه بدمع بس تمسك نفسك عشان مديقش اللي ادامك
عارف لما تتصل بحد مدعيا انك بتسلم بس عليه و انت مستنيه بس يقولك و انت عامل ايه -حتي لو بدون اهتمام- ولكن تفاجأ بيه يقولك معلش مش فاضي دلوقتي
عارف لمي تبفي في عز الهم و تلقي راجل عجوز بيتشعبط علي الاتوبيس فتحس بمدي تفاهة همومك كلها علي بعضها
عارف لمي تبقي رايح الشغل و ارفان- و صاحي من بدري بأه و نايم متأخر-و تركب التاكسي و تلقيه مشغل اغنية بتحبها
عارف لمي تبقي بتحكي موقف ان عربية خبطتك و بتقولها بطريقة فكاهية بقي- بتهون علي نفسك-و لكن تلقي نفسك مش عارف تضحك
!!عارف لمي تبفي بتقرا كلام كتير و تبقي عايز الكاتب يجيب من الاخر
!!طب كويس انك عارف
No comments:
Post a Comment