تذكرني الصورة دي بأيام الطفولة يعني يجي من 10 سنين كده
!!يوم الجمعة في بتنا هو يوم عائلي فحت بحت -المفروض كان كده-و ده لأننا كلنا بنكون موجودين في البيت حتي بابا
كنت اصحي يوم الجمعة ده و انزل اجيب فول و طعمية... ايوه هو يوم الجمعة يكون يوم جمعة من غير الفول و الطعمية
الجميل و اللي انا فكراه فعلا علامات التعجب اللي كانت بتبان علي ويشي لما بشوف حاجة غريبة عند "الراجل بتاع الفول"...
مبدئيا كان راجل رفيع و ده كان اهم ما في الموضوع...ليه بأه..قولي ليه
عشان مراته اصلا كانت طخينة جدا و انا كان كنت فكرة -طبعا كطفلة- ان الست لازم تكون ارفع من جوزها
و كانت هنا اول علامات التعجب
كنت من كتر صغر سني كانوا بيستهبلوني كانوا يقعدوني كتير عندهم لغاية لما يخلصوا بقيت الناس
مع اني انا اللي جيه الاول
بس بيني و بينك كنت بتبسط من القعدة و ده لعلمي اني لما ارجع البيت هذاكر
خلينا نتكلم عن عربية الفول و الطعمية اللي كان مليانة بالمخابأ العجيبة و الغريبة...و كان فيها ورق كتير جدا و هنا كان علامة التعجب التانية
كنت اتسائل ليه "الراجل بتاع الفول "عنده الورق ده كله--كطفلة طبعا
و بينما يقوم "الراجل بتاع الفول" بعمله و بيبطط الطعمية و رميها بمهارة في الزيت امتد يده للورق
"ياااااه ده هيقرأ و هو بيشتغل"
و لكن افاجأ
ان "الراجل بتاع الفول"بيقلب في الورقة و لفها و عملها قرطاص
و كل ما خطر ببالي "ده اكيد بيعرف يعمل مراكب"....ياااه "الراجل ده لازم يعملي القرطاص"...ولكن
افاجأ بأن الراجل يشيل الطعمية و يرميها في القرطاص
و قام اداه للراجل اللي جالوا
"و انا هشيل الطعمية كده!!"
و هنا كان فيه علامة تعجب ثالثة
و ارجع بتنا بعد ما تكون صلاة الجمعة ابتدت حاملة معي كثير من علامات التعجب و اخدلي كلمتين علي تأخري بس كنت كل اللي بقوله ان"الراجل بتاع الفول" هو السبب
2 comments:
بصراحة التدوينة دي عاجباني جداااا .... فيها براءة كدة و صدق و فيها حاجات كنا بنعملها و مكناش عارفين وقتها بنعمل كدة ليه
keep it up ya fandem
loool sara i likeeee el 7eta beta3et el set lazem tkoon arfa3 mn gozha
llloooolll
Post a Comment